E to’afā lelei alii o le a faato’ā taaalo lea mo le ulua’i taimi mo le Kiwis i le latou fetauiga ma Tonga i le Aso Toonai nei, o le latou ulua’i taaloga lea talu mai le 2019. Ta’ua e le One News i le asō o le to’afā lea e aofia ai Dylan Brown, Marata Niukore, Ronaldo Mulitalo ma Moses Leota. 

O le alii o Isaiah Papalii o le a taalo foi i lana taaloga lona lua lea mo Niu Sila ae toeititi fā tausaga talu lana ulua’i taaloga mo Niu Sila i le fetauiga ma Egelani i le 2018.  

O Joseph Manu lea ua filifili i le tulaga o le fulupeki. O le taaloga e faia i le Aso Toonai nei i le Mt Smart Stadium ma o le ‘au atoa a le Kiwis e aofia ai Joseph Manu, Ronaldo Mulitalo, Marata Niukore, Peta Hiku, Jordan Rapana, Dylan Brown, Jahrome Hughes, Jesse Bromwich, Brandon Smith, James Fisher Harris, Isaiah Papalii, Kenny Bromwich, Joseph Tapine ma Kieran Foran.  

O Moses Leota, Nelson Asofa Solomona, Briton Nikora, Jordan Riki, Dalin Watene Zelezniak, Te Maire Martin, Scott Sorenson, Eric Clark, Ken Maumalo ma Griffin Neame.