O loo faaauau pea ona tapunia se vaega o le State Highway 6 seia oo atu i le faai’uga o le vaiaso.
O le highway autū lenei I West Coast o lea na faaleagaina i lologa ma eleele solo i le faai’uga o le vaiaso, ma o lea o loo tapunia i le va o Haast ma Paringa.
O lea na toe tatala ananafi se vaega o le highway i le va o Fox Glacier ma Paringa, peitai o le sau mai Paringa aga’i i Lake Moeraki o loo tapunia pea, faamoemoe e maua se isi tala mai i le taeao nei.
Faamaonia mai e le NZTA o lea o loo galulue konekarate e faamamā le tele o le palapala na solo aemaise o le toe iloilo o le saogalemu o le auala e mafai ai ona toe tatala.
E ese mai i le highway lenei ma lona faaleagaina i le faai’uga o le vaiaso, o le aoauli foi ananafi na solo faafuase’i ai palapala i le va o Nelson ma Blenheim ma o lea na tapunia ai foi ma lea highway e tusa ma faamaoniga mai le NZTA.
Puna Faamatalaga: https://www.1news.co.nz/2024/11/11/more-rockfall-as-part-of-sh6-to-remain-shut-until-end-of-week/
