O taumafaiga aupito lata mai nei ina ia toe faatulaga le tulafono Holidays Act ua lipotia le iai foi o nisi faatuai.
O le tulafono o loo iai nei ua matua’i lē aoga lava ma ua oo ai ina totogi le faitau afe o tagata faigaluega i ni totogi maualalo ane na i lo totogi e tatau ona iai e lē gata i auaunaga lautele ae faapea foi i auaunaga i le private sector.
Ua faailoa i le leitio faasalalau a Niu Sila o se tulafono fou sa fuafua e tatau ona toe faatulaga i le lua tausaga talu ai, peitai ua silia nei ma le masina o faatuai pea le faia o le filifiliga poo ai e faafesoota’i e uiga i le tuufaatasia o se pili.
O nisi finagalo faaalia i luga o upega tafailagi e tusa o le mataupu lea ua ta’ua ai e tele fesili o loo alia’e i lea fuafuaga ae lē gata i lea o loo fesiligia foi se tulaga mautu o le a iai suiga ua fuafua e faia pe aogā pe leai a o faatalitali ai pea poo afea e faatino ai loa suiga e pei ona folafolaina.
Puna o Faamatalaga: https://www.rnz.co.nz/news/national/526800/holidays-act-overhaul-runs-into-fresh-delays
