Ua fesiligia le lē sasa’o o le makaina poo le valiina o se tasi o auala i Pukekohe.
O le auala i Belgium e lei leva talu ona uma ona maka ma e le o se laina sa’o e ui o le sā’oga.
Molimau a nisi o loo nonofo i lea vaega o Aukilani, e ese foi foliga o loo maka ai ma e le o se vaaiga e masani ona vaaia i luga o auala tetele.
E le o mautinoa poo ai sa’o e pa’ū iai lenei fesili ae pe mafai foi ona toe vali.
E le o le taimi muamua lenei ua vali ai pe faailoga nisi o auala a Aukilani i se tulaga fesiligia e pei ona molimauina nei, ma e le gata o auala taavale ae faapea auala savali.
