O le faalavelave na tupu i Main North Rd poo le toe 10 i le 7 i le po anapo, fai mai leoleo e lua taavale na aofia ai ma e taitoatasi mai taavale ia e lua na maliliu ai lava i le nofoaga na tupu ai le faalavelave ae o le isi tagata e atoa iai le toatolu na faavave atu i le falemai i Kalaiesetete i se tulaga tigaina ma maliu ai lava mulimuli ane.
O le faaitu lava foi lea na tupu ai le isi faalavelave i le Aso Faraile na tea nei na feto’ai ai se taavale ma se pasi aoga ma maliliu ai tagata e toalua.
Fai mai leoleo o se tulaga faanoanoa mo lea komiuniti i si taimi puupuu ma ua faaoo foi faamaisega a leoleo i aiga ua aafia a o faagasolo ai a latou suesuega.
O se tasi itu na ta’ua e leoleo, o le faaletonu o le tau i le faaiuga o le vaiaso.
Faamanatu leoleo i avetaavale ia tautuana le saogalemu i luga o alatetele i soo se taimi e saofai ai i tua o le foeuli o taavale.
