E lē toe momo’e le Pelesetene o Amerika o loo iai nei, Joe Biden i le palota o le sailiga o le isi Pelesetene o le malo tele.

O le faasalalauga lea i luga o le X o le social media a Biden, 81 tausaga o lona soifua ma o lea foi ua faamuta ai ma ana faatosina o le faigapalota.

O se taimi o lenei vaiaso o le a saunoa ai Biden i lana saunoaga aloaia i le atunuu ma auiliili ai lana faai’uga ua faia.

Faafetaia ai foi e Biden lona sui ia Kamala Harris, poo lē o loo ta’ua e le tele o lipoti o le isi lea sui faatū a le Democrat peitai o loo agiga i nisi o lipoti e lē o autasi uma iai le pati.

Na ta’ua e le Pelesetene e ui sa iai lona naunautaiga ia toe momo’e i le palota o loma nei, e iai lona talitonuga o se faai’uga tatau lea e lē gata mo le Democrat ae o Amerika.

O le faamuta o le tamo’ega a Biden ua sau ai i le mae’a fai iai o le tele o tala, fesiligia ai lona agavaa ona ua matua.

Puna o Faamatalaga: Joe Biden withdraws from US Presidential election race (1news.co.nz)