Ua lē solomuli le alii taalo lakapi taitoafitu o Elijah Niko i le faaauau pea ona ia talanoa i luga o le api o foliga ma ia faailoa ai, o le tali a le pulega o le lakapi i Samoa i lona faalauiloa o nisi o faaletonu, o se gaioiga o loo fafau faatasi e nisi o le pulega o le taaloga.
Ua ia faafetaia nisi o tama taaalo o loo iai nei, o i latou sa i totonu o le lakapi faapea le aulagolago ia te ia, ona o feau faamalosi ma fautuaga lelei mo ia.
Ua ave ai lana talosaga i le taitai o le Malo le tamaitai Palemia le afioga Fiame Naomi Mata’afa, e silasila ane i le lotoifale o le taaloga lakapi ma faia iai se galuega e fofo ai faaletonu o loo aafia ai tama taaalo.
O le tali ua mae’a faalauaitele a le pulega o le Lakapi Samoa ua faailoa ai e sese ma leai se mo’i o tuuaiga i ni faaletonu o aafia ai le pulega o le aulakapi taitoafitu faapea le pulega o le taaloga i lo tatou atunuu.
