O le tali atu o leoleo i le valaau e faapea e iai nisi o loo taumafai e gaoi taavale i Hamilton o lea na mafua ai ona maua.

Mai tuliga a leoleo ma le taavale a i laua ua ave nei, na tafana ai loa e i laua nei le taavale a leoleo.

E na o le taavale a leoleo ua faaleagaina ae leai se leoleo na afaina ai.

Na maua mulimuli le 18 ma le 22 tausaga ananafi ma o lea na taofia ai loa i lalo o vaavaaiga a leoleo e tālia ai le tulai i le asō i luma o le faamasinoga faaitumalo i Hamilton.

Ua faafetaia ai foi e leoleo le komiuniti e tusa ma lipoti o loo tuuina atu pe a vaai i ni aga e ono masalomia ai nisi tulaga.