Ua teena e Amerika se fuafuaga a Malo Aufaatasi ua valaau ai mo le faamutaina o vevesi i totonu o Gaza ae faamatuu ane tagata Isaraelu o loo ave faapagotaina.
Fai mai le sui o Amerika i le fonotaga, o le sui amepasa o Robert Wood i le CNN, sa faamanino lava e Amerika i le amataga e lē mafai ona o latou lagolagoina le taofia o vesiga i Gaza ae lē faamatuuina ane tagata o loo ave faapagota ma o le mea foi lea sa autasi iai le fonotaga i le taimi ua sola, e faamuta vesiga ina ua faamatuu ane tagata o loo ave faapagotaina.
Ua faailoa i le lipoti e to’afitu isi tagata sitiseni o Amerika o loo taofia pea i Gaza ma o le a lē faagaloina i latou ia.
E na o Amerika le atunuu na tetee i le fuafuaga o le resolution a Malo Aufaatasi mo le mataupu lea i Gaza ma ua faaaogā lona malosi’aga o se tasi o sui tumau e to’alima o Malo Aufaatasi e na te teena ai le fuafuaga ua autasi iai le to’atele o atunuu o i lalo o Malo Aufaatasi.
Puna o Faamatalaga: https://edition.cnn.com/2024/11/20/americas/us-vetoes-un-resolution-gaza-ceasefire-intl-latam/index.html
