O Dr Mehmet Oz poo Dr OZ pei ona iloa ai e le to’atele i polokalame i le televise, o ia lea ua filifilia e Donald Trump e avea ma administrator mo auaunaga tau medicare ma le medicaid, o se ofisa o le malo e vaaia mataupu tau inisiua tau le soifua mālōlōina mo le silia ma le 150 miliona o tagata Amerika.
Fai mai Trump i le lipoti a le CNN ua loa tausaga o le la masaniga ma Dr OZ ma e mautū lona faatuatuaga o le a finau Dr Oz mo le manuia o tagata i le itu tau le soifua mālōlōina.
O le alii foma’i sa tauva i le palota i le 2022 mo Pennsylvania ae lagolago iai Trump peitai e le’i manuia lona taumafai ae o lea la ua filifilia e Trump i lea foi tofiga tāua.
E tele faailoga na manumalo ai lana polokalame i luga o le televise, le Dr Oz Show ma o se tasi o foma’i ua iloa tele Amerika.
Puna o Faamatalaga: https://www.google.com/amp/s/amp.cnn.com/cnn/2024/11/19/politics/mehmet-oz-trump-medicare-medicaid
