Ua osia nei se faiga paaga a le kamupani telefoni feaveai ma fesootaiga faaonapo nei le Digicel Samoa ma le faalapotopotoga o le taaloga soka i Samoa i le naunau o le kamupani e fesoasoani i le atina’e o lea taaloga i lo tatou atunuu.

E lima sefulu afe tala ua ofoina e le Digicel Samoa e amata ai se taamilosaga soka mo fanau i a’oga tulagalua uma i Samoa.

Faaalia e le pulega o le faalapotopotoga o le taaloga soka i se pepa o faamatalaga o le faamoemoe o le faigapaaga ma lea kamupani telefoni malosi ia ave le faamuamua ma le lagolago i le atina’eina o olaga o fanau laiti i le taaloga.

O le aso 24 ma le 25 o le masina nei o le a faagasolo ai lea taamilosaga ma le faamoemoe o se taimi ma se aso ona oo lea i le motu o Savaii.

O lona uiga ua amata le taamilosaga i a’oga tulaga lua i le motu o Upolu.