E tigaina manu’aga o le pule o se tasi o pisinisi i Papatoetoe i Aukilani ina ua aafia i se aupega matautia talu ai se osofa’iga a ni augaoi i le aso ananafi, o nei aupega e aofia ai se samala.

O loo i le falemai i le taimi nei lē e onaina le Pooja Jewellers ma o lea na osofa’i e le augaoi lona faleoloa i le latalata i le itula e 5 i le afiafi ananafi i Kolmar Road.

I lipoti a le Newshub e lē faatasi ona sasa i le samala le ao se’i tulou, o lē ua faamanu’alia ma o lea foi na faaaogā ma le agaese.

O faamaoniga mai leoleo e tugā manu’aga o lē ua aafia, ma e sau le tala mai leoleo anapo e lei maua le augaoi o lea na vave ona toe sosola ese i le taavale.

Ua valaau mai ai leoleo i tagata e silafia nisi faamatalaga e faatatau i lenei osofa’iga e vave faafesootai atu.

Puna o Faamatalaga: http://Jewellery store owner in serious condition after hammer attack in Papatoetoe, south Auckland | Newshub