Na lipotia mai e leoleo a Kanata e toʻalua ua fasiotia ma isi o loʻo manunua i le faʻalavelave na tafanaina ai tagata pe a maeʻa 13 afe i le festival po o le faʻaaliga tele a Kanata, le Latin Street Festival i Toronto i le Aso Toanai talu ai.
Faailoi e toaono na aafia ma na māua le manunu’a e faapea o ni manu’aga mai se laau malosi. Faamauina o loo masalomia e le’i maua uma i latou na faatinoina lea solitulafono.
O i laua e toalua ua maliliu o alii uma a o le isi to’afā o loo i le falemai i ni manu’aga tugā .O loo tapu e leoleo le uia o vaega poo faaitu na tupu ai le faalavelave a o faia su’esu’ega ma e luani laau malosi poo ni fana na maua ma na faailoa foi e leoleo e le o iai se tulaga e lamatia ai ola ma soifiua o tagata lautele mai lea faalavelave.
E foliga o se taugafana i le va o ni tagata se toalua ae ua aafia atu ai ma tagata na iai i lea nofoaga.
Ua taofia ai ma le faaaliga mo le taimi nei seia faia su’esu’ega ae ua faamatala e molimau i le au faasalalau, lagona popole na iai ma le fefe i le taimi na tulai ai le faalavelave, ua suia atoa ai ma lagona fiafia o le festival.
Faailoa e le pulenuu o lea faaitu le tuu ane o le lagolago i leoleo ina ia o latou maua le fesoasoani manaomia mole sailia ai o i latou na faatupuina lea faalavelave ma aveese mai auupega na faaaogaina.
Saunoa le Palemia o Kanata, Mark Carney e faanoanoa tele i le faalavelave ua tulai mai ma e momoli faamaisega i aiga o nai tagata ua aafia. Manatu nisi o le mataupu lea i fana e taatele i Amerika, a o lea e foliga mai, o le a amata ona faateteleina ona aliae i totonu o Kanata.
Puna o Faamatalaga: https://edition.cnn.com/2026/07/11/world/toronto-shooting-sat-intl
