E 19 tausaga o se alii Tonga, e suafa ia Samuel Mataele mai Aukilani, na sola ma le tauvaga ua faaigoaina o le 2026 Kiri Te Kanawa Song Quest. Ma o lea na maua ai le fa’ailoga e $50,000.
Na molimauina ai foi le tauva ai o ni auuso Samoa e suafa ia Faamanu and Jordan Fonoti-Fuimaono, ma o i laua nei e aofia ai ma lē na manumalo sui iai faasinomaga Pasefika na saofagā atu i le sailiga o sē e sola ma le manumalo.
I ripoti na faamauina le faafiafia faatasi o le to’aono pito i luga fa’atasi ma le New Zealand Symphony Orchestra i nofoaga o le Michael Fowler Centre i Ueligitone, i luma o lana afioga i le Dame Kiri Te Kanawa ma le Fa’amasino Sili mai Amerika, le tamaitai pese ta’uta’ua Frederica von Stade.
Na patipatia e aiga, uo ma le to’atele o tagata le ausia ai e nei alo o Samoa nei tulaga maualuga i o la taumafaiga i lea foi matātā o pesepesega, le opera. Ma ua avea lea ma fa’ailoga o le toatele o taleni Pasefika i le lalolagi o fa’afiafiaga, ma saga faamausalī ai o latou moemitiga o le avea ai ma tagata pepese ma fai musika.
I le tauvaga na tulaga lua ai le tamaitai pese Sarah Mileham, ma maua ai le $20,000, ae tulaga tolu ai le ali’i pese Samuel Downes, ma mauaina le $15,000
Puna o Faamatalaga: https://www.facebook.com/share/p/1DFo2Mayh9/ https://www.rnz.co.nz/news/pacific/701306/samoan-brothers-to-compete-in-kiri-te-kanawa-song-quest-grand-final
