O loo mautu pea le mau a Amerika o loo matala le Strait of Hormuz mo feoaiga e ui o loo fai mai Iran ua tapunia le nofoaga ao faaauau pea ona fetalia’i a la osofaiga ma Amerika.
O le vaiaso na te’a nei na amata toe faaauau ai osofaiga i le va o atunuu e lua ina ua osofai e Iran vaa faapisinisi na ui ane itu latalata ane i le Strait ona oloo faaauau pea ona taumafai Iran e faamautu lona faatonutonuina o lea ogasami lea ua o latou faailoa ai ua tapunia mo le taimi nei.
Na faailoa foi e Iran i le BBC na o latou osofaia foi se nofoaga militeli a Amerika i Jordan ae ua faailoa foi e isi atunuu e pei ole United Arab Emirates, Qatar, Oman ma Bahrain ua o latou tali atu foi i osofaiga a Iran na faaaoga ane ai missiles ma drones.
E ui o lea ua faailoa e Trump i sana tautalaga o loo faaauau pea talanoaga i le va o itu e lua ae ua lipotia mai ni faamatalaga na faia e le Fofoga Fetalai a Iran i luga o upega tafailagi a le X e faapea ua mae’a le taimi o malilega pito tasi ae ua mae’a foi ona o latou faailoa ia Amerika e tausisi ia latou upu a leai ole a iai le tau e totogi. E le o faailoa i le lipoti lea a le BBC se tali ane a Amerika i nei faamatalaga.
Puna o Faamatalaga: https://www.bbc.com/news/articles/cj9gkpp0dkeo
