O le iai o le matāgaluega fou e faapitoa i matāupu tau i aiga ma aga fesoota’i poo le Ministry of Family and Social Affairs, ua faatino ai e lea auaunaga a le malo se galuega e tuufaatasia uma ai ana faiga faavae, ma faamatalaga tāua i se laasaga e sili atu e malupuipuia ai ma vave ai le faatinoina o lana tautua i le atunuu.
O faiga faatekonolosi faaonaponei ua ta’ua o le digital ua faaaogā e lea matāgaluega a le malo e tuufaatasia uma ai ana faamatalaga ma faiga faavae ina ia lē gata e siitia ai lana auaunaga i se isi tulaga e sili atu ona lelei, ae malupuipuia ai foi ana faamaumauga ma faamatalaga.
O lea galuega sa fesoasoani iai le faalapotopotoga o le atina’e a Malo Aufaatasi le UNDP i se faigāpaaga ma le Matāgaluega o Aiga ma Aga Fesoota’i.
Ua faailoa e le matāgaluega i se pepa o faamatalaga o se isi lea o suiga lelei i le faatinoina o lana auaunaga i le malo ma le atunuu.
