Na pu’eina i le vaiaso nei se tina ina ua maua ni tamaiti se to’alua, 9 ma le 11 tausaga ua maliliu i se fale i le Blue Mountains i Niu Sa Uelese nei.
O tino maliliu o nai tamaiti na maua e lo la tamā i le fale i Faulconbridge i le vaiaso nei lava.
Fai mai le 9News o le tina o tamaiti o Trish Smith 42 tausaga na maua atu o iai foi ona manu’aga ae talitonu leoleo o ia lava na faatinoina, na ave atu e leoleo i le falema’i i Westmead.
E lei maua e leoleo se auupega ae lē o fia faia sa latou faamatalaga i le taimi nei i le mafuaaga o le maliliu o tamaiti.
O le faamatalaga e leoleo e iai nai mataupu laiti e iloa ai e leoleo le tina lea ma o loo faaauau i le asō le su’esu’ega i lenei foi faalavelave mata’utia.
Puna o Faamatalaga: https://www.9news.com.au/national/two-children-found-dead-at-home-in-blue-mountains/657658b7-6008-4a3d-a612-040ea5b5d376
