E faitau selau galuega i Balclutha i Saute o Otago o loo tau saili nisi tagata faigaluega, ma ua faia ai ana faalauiloa ma faatosina.
O le aai tele lenei o Otago e silia ma le 4,000 tagata Kiwi o loo nonofo ai, ma e i le va o le 700 i le 800 avanoa o loo tau saili atu nisi tagata faigaluega e faatumuina.
Mai le pulenuu o Clutha ua faia nei le polokalame faalauiloa e faaaogā ai fesoasoani tupe mai le malo ma le faamoemoe ia fesoasoani ai i tagata ua aafia galuega ona o le Koviti.
E lē gata la o le saili o galuega, o toleniga mo galuega, fesoasoani mo totogi ae faapea foi ma fale.
O loo valaau mai ai i talavou ma aiga talavou o loo maua fale fou e tusa ma le $350,000 e amata ai.
Ua ta’utino le pulenuu, o se tasi lenei o itu o loo faafaigata ai ona oatu tagata o mana’oga tau fale.
O lenei polokalame ma faalauiloa ua faia ai a o paso ai le tele o nuu tu i tua o le atunuu e saili tagata faigaluega.
