O le masini komepiuta laitiiti lea e ta’ua o le laptop e faapea mai lipoti o loo iai faamaumauga o le poloketi o le miliona a le malo, o loo tau sailia nei e leoleo poo ai ua na aveesea faagaoi mai le ofisa o le poloketi lenei i le maota o le Tooa Salamasina.

Mo le silafia o le maota lea o loo iai le Matāgaluega o Tina ma Tamaitai Atina’e o Afioaga ma Agafesoota’i o loo faagaioia lea poloketi tāua a le malo.

Na faamaonia mai e le minisita o lea matāgaluega le tuuina atu o le mataupu i leoleo mo se sa’ili’iliga, ae o le faai’uga o le vaiaso na te’a nei na tula’i mai ai lea gaioiga solitulafono.