O le toatele o tagata sa fesiligia i le mataupu i le siitia o le tausaga e malolo litaea ai, ua faaalia i le asō o loo tetee i le faia o lea tulaga.
O loo tumau pea le filifilia e i latou o le faiga o loo iai i le taimi nei.
O le suesuega sa faatino e le Iunivesite o Otago sa lagolagoina e le Te Ara Ahunga Ora Retirement Commission lea na o latou fesiligia ai tagata e toeitiiti oo i le 13 afe, ae silia ma le ‘afa o i latou ia ua faailoa e tetee i le siitia o le tausaga e litaea ai i le 67.
O lona uiga ua siitia le aofai o tagata e lagolagoina le faatumauina pea i le 65 o le tausaga e malolo litaea ai le tagata.
Saunoa le Komesina (retirement commissioner) o Jane Wrightson o le iuga o le suesuega ua lagolago ai le faatumauina pea o le tausaga e litaea ai i le 65.
