O le aso 14 o Iulai i tausaga uma lea na paโu tonu ilea so Lua o le vaiaso nein a faamanatu ai e le ofisa o le amapasa o le malo o Farani i Samoa le aso faamanatu o lea atunuu ua faaigoaina o le Bastille Day.
O le aso e faamanatu ai le faatoilaloina o pulega a Aiga tupu o Farani, ae pulea e tagata lautele lea malo talu mai le tausaga e 1789 ma ua 237 tausaga talu ai.
Sa faatumulia ai le faletalimalo o le Taumeasina Island Resort i le afiafi o le aso Lua i sui o le malo o Samoa ma sui o isi malo i fafo, o valaaulia ma tagatanuu o Farani o loo aumau ma nonofo i Samoa.
Ua faaalia ai e le ofisa o Farani i lo tatou atunuu le agaga o le faagaeetia ona o le faigapaaga ma le malo o Samoa o loo galulue faatasi mo le manuia lautele aemaise o se itu taua faatoa tausaga ma masina talu ona faatuina le ofisa aloaia o lea malo i Samoa.
O le masina o Oketopa o le tausaga e 1974 na aloaia ai sootaga faava o malo o Samoa ma le malo o Farani ma ua 52 nei tausaga le matua o ia sootaga.
