Toatolu tagata ua maliliu ise faalavelave tau taavale I Te Araroa ile vaiaso nei ae o latou uma ia o nisi o le aiga o se tama na maliu ile aso 15 o Oketopa I le nofoaga lava e tasi lea ua toe maliliu ai foi tagata ia o lona aiga.
Lipotia I le tvone ole tama e suafa ia Lance Rangihuna e aumau ai I le faaitu lea o Te Araroa na maliu ile faalavelave na tupu ile itu I matu o le faaitu lea ina ua agai sao lava lana taavale ise laau I le pito ma maliu ai lava. Ile vaiaso nei I seisi foi faalavelave tau taavale ua tofu ai foi le taavale na malaga atu ai tagata e toatolu ia o lona aiga, ile laau lava lea e tasi na lavea ai Lance, ole laau e lata ile ala laupapa o Karakaatuwhero ile itu I matu o le taulaga. E le o faailoa maia aloaia I latou ua aafia I le faalavelave ae o faamatalaga mai le vaega o le tineimu I lea faaitu ua faailoa ai le sootaga lea I e ua maliliu I le nofoaga lava lea e tasi ma o loo faia nei suesuega a leoleo
