O le to’a sefuluiva o tagata o loo sa’ilia e le Fono Faavae a Faleata 4 ua tala faalua 150 tālā o le fesoasoani a le malo o le toe a’e o a’oga, ua faailoa mai e le sui faipule o lea itumalo, o le Minisita foi lea o le Matāgaluega o Puna’oa Faalenatura ma Si’osi’omaga, le tofa Ale Vena Ale, na maua suafa o i latou nei ua tala i lo latou itumalo, ae ua mae’a ona tala seleni i itumalo o loo agavaa e tala ai.
E lē o iloa pe na faapefea ona tupu lea tulaga auā o suafa o loo lesitala i lola palota a itumalo sa avea ma faasino ala i le talaina o le 150 tālā.
Faaalia ai e le sui faipule ina ua tāpā sona finagalo, o se gaioiga ua fai ma le iloa ma o se solitulafono matuiā.
O loo faasalalau i fesoota’iga i upega tafa’ilagi a le Fono Faavae a Faleata 4 suafa o tagata e to’a sefuluiva ua tala faalua le 150 tālā ma ua mana’omia le toe totogi atu o ia seleni.
