O le aso a taeao o le a toe saoloto ai le feoai atu I fafo ma toe foi mai o tagata Aukilani

O tuaoi nei o Aukilani na faatapulaa ai le soona feoai talu mai ona sau le Delta, ma o tulafono mo tagata Aukilani e tatau ona faailoa le vaccine pass pe afai ae faatu e leoleo, ae mo tagata e leai ni tui e tatau ona faailoa faamaoniga e negative siaki o le Koviti faia I totonu o le 72 itula, ma o nei tulafono e le o lavea ai fanau I lalo o le 12 tausaga lea e le o agavaa I le tui

Ua sau ai foi ma le fautuaga mo Aukilani o lea o le a ofo fua mai rapid antigen testing I faletalavai mai le aso a taeao mo I latou e mananao e faia siaki ae e le I faimalaga

E le o faletalavai uma, na o le 483 faletalavai I soo se vaega o le atunuu o le a mafai ona faia ai siaki nei lea e vave foi mai le faaiuga pe tusa ma le 15 minute e faatali ai

I le talanoa ai la I rapid antigen testing, mai le alii polofesa suesue ia Michael Baker ua ia faatalosagaina fanau Aukilani e tatau ona agai e faia siaki nei ae e le I o ese atu ina ia mautinoa o loo saogalemu