Ua iai lipoti i le asō ua ta’ua ai le sioti poo le faaitiitia o le sapalai o fualaau ma vailaau mo togafitiga medicine mo Ausetalia e mafua mai i faaletonu i le tulaga o loo sapalaia ai atoa ai ma le faateteleina o le mana’omia o ia fualaau.
Fai mai le TGA, e 343 fualaau o loo maitauina le sioti i le taimi nei ae o loo ta’ua e iai isi fualaau ma vailaau ua faaopoopo atu i le lisi lea i le asō.
O fualaau o le toto maualuga, suka, asthma ma antidepressants o loo pito i luga i le lisi o loo faaitiitia le sapalai i le taimi nei. O loo faailoa mai e le TGA i nisi vaega o le atunuu o loo iai pea isi brands ma malosiaga o fualaau ia o loo avanoa mai ai e mafai ona suitulaga i fualaau o loo sioti i le taimi nei.
E lē o ta’ua i le lipoti se faamatalaga mai le Asosi faafoma’i a Ausetalia, le Australian Medical Association e tusa o le faaletonu ua alia’e mai.
