O se lipoti pito lata mai na tuuina mai i le 5:55pm i le asō, 17 Tesema 2024, ua suia uma ai nisi lipoti na tuuina atu muamua e tusa o le mafui’e lea na lūlū i Vanuatu.
O se fautuaga mo le atunuu atoa: E LEAI SE TSUNAMI E FAATALITALIA E AAFIA AI NIU SILA.
O se lipoti pito lata mai lena talu mai isi lipoti o le mafui’e lea e 7.3 na lūlū e latalata i VANUATU i le asō, 17 Tesema 2024, i le 2:47pm taimi Niu Sila i le asō, ma ua faamautinoa mai e le NEMA, e leai ni galu malolosi mata’utia e ono osofa’ia ai Niu Sila mai lenei mafui’e.
Peitai o loo fautuaina pea le mamalu o le atunuu ina ia faaeteete pea ma ia mata’alia a o iai i nofoaga e pei o matafaga ma isi vaega o le laueleele e lalata i le sami, ne’i iai nisi o suiga ese o le tai e alia’e faafuase’i mai i nisi taimi o i luma.
Puna o Faamatalaga: https://www.scoop.co.nz/stories/AK2412/S00639/national-advisory-no-tsunami-activity-expected-for-new-zealand.htm#:~:text=Following%20further%20assessment%20of%20the,are%20expected%20for%20New%20Zealand.
