Ua tuvae i Vanuatu le vaalele lona lua a Niu Sila mo galuega lavea’i ma ua faataunuu i le laumua o le atunuu i Port Vila.
Ua lipotia e le RNZ na faatuai le taunuu atu o le vaega o le puipuiga i totonu o Vanuatu ona o se faaletonu i se tasi o ana vaalele o le Hercules na faaaogā ane.
Ta’ua e le Leipa a Niu Sila o se tulaga faamāina peitai ua tuvae nei se isi vaa o le Hercules i Port Vila ma le isi i Noumea.
Ua faailoa foi i le lipoti lea ua toe faailoa mai na o le to’a 9 i latou ua maliliu a o sailia pea isi.
Ua faailoa foi e to’alua ni tagata saina o loo aofia i le au maliliu ma se tamaitai Ausetalia e to’atasi ao talitali ai faamaumauga aupito lata mai o galuega laveai o loo faia pea.
Puna o Faamatalaga: https://www.rnz.co.nz/news/national/537080/live-second-nz-rescue-plane-arrives-in-vanuatu-as-one-breaks-down
