O le faaiuga lea ua fofoga mai e le tamaitai palemia, Jacinda Ardern ma o loo aofia ai I lea suiga faavavave tagata o loo omai I visa le tumau faapea tagata nofomau ma sitiseni Niu Sila

O se faaiuga ua faia ona o le maualuga o le fuainumera o I latou faimalaga mai Initia taunuu I Niu Sila ua faamaonia siaki o le Koviti

O le aso foi ananafi lea na faamaonia ai le isi 17 o loo faanofoesea taunuu mai Initia

O le uluai taimi lenei ua taofia ai e Niu Sila ona tagatanuu toe fia foi mai, peitai ua saunoa Jacinda o loo taumafai nei e saili auala e tuuitiitia ai le maualuaga o le tulaga lamatia o loo omai ma pasese mai Initia

E le o vaavaai le malo I nisi atunuu ese mai ia Initia, ona e le faatusalia le fuainumera o cases faamaonia faimalaga mai isi vaega o loo malosi ai le pepesi o le vairusi I le fuainumera o cases faamaonia mai pasese omai mai Initia

O le Aso Sa a loma nei, 11 o Aperila agai atu I le aso 28 o Aperila lava, o le a taofia le tumau ai faigamalaga uma mai Initia