Ua feagai nei le Palemia ma lana faigamalo ma tuuaiga e faatatau i le latou folafolaga sa faia i le amataga o le vaiaso e faatatau i le faia o se suesuega i le koviti ma le tali atu iai a Ausetalia.

Ua afua faaseā ma tuuaiga ona ua faailoa mai nei o lea suesuega o le a lē suesuea ai faaiuga fai a setete ma teritori sa faia i le taimi lea o le faamai.

Fai mai le Palemia e tāua le iloa ma silafia o mea na aogā ma mea foi e lei aogā ia Ausetalia i le taimi o le faama’i a o lea ua toe faailoa o le a lē suesuea ma faaiugafai a faigamalo a setete ma teritori.

O le vaega tonu lea e manatu le toatele e tatau ona suesueina auā o i lea e aupito tele foi lona aafiaga i tagata aemaise lava i le faiga o lockdowns ma le tapunia o tuaoi e faitau miliona tagata Ausetalia na aafia ai.

Fai mai le itu agai o loo taumafai le Palemia ma lana faigamalo e puipui Premier e toalua o le Leipa o Daniel Andrews ma Anastacia Palashey.