Ua talosaga le pati a Maori I le malo o Niu Sila ua tatau ona tuli le amepasa o Isaraelu o loo i totonu o le atunuu, pe afai ae le vave taofi pomu a Isaraelu.
Faailoa ai i luga o le social media e taitai o le pati, Rawiri Waititi ma Debbie Ngarewa-Packer, o lea ua soli e le taua o loo faia nei tulafono faavaoamo.
E le gata o pomu, ae e le o fiafia foi le pati a Maori i le taofiofi o fesoasoani o loo fia auina atu i Gaza.
Ae mo le Hamasa, ua talosaga foi taitai nei e toalua ia toe vave faasaoloto tagata Isaraelu ma saili se filemu ina ia vave ai foi ona toe faasolo atu fesoasoani faavaomalo mo tagata Palesitina.
E oo mai i le taimi o tala fou e leai se tali mai le amepasa o Isaraelu o loo i Ueligitone e tusa ma lenei talosaga.
