E toatolu tagata ua faamaonia mai ua maliliu ise faalavelave e aofia ai se vaa ua lipotia mai I North Cape ile itu I matu o le atunuu.
O lipoti ale One News ua faailoa ai e talitonuina o le vaa na totogipau ma pe a ma le toa 10 tagata na iai I luga ma o se fagotaga pei ona faailoa. O le vaa nasau mai Mangonui ma sa I luga o le vai mo ni nai aso ae sa faailoa le faailo ua iai se faaletonu I le po anapo poo le ta o le 8.
Fai mai leoleo e lua tinomaliliu na maua e le vaalele helicopter ile taeao analeila ma leisi na maua e leisi vaa sa fesoasoani ane. E toalua isi tagata o loo tau sailia pea ae toalima ua laveaiina mai ma o loo ile falemai I Kaitaia pei ona faailoa I le lipoti ma o loo manuia uma.
O loo faaauau le suesuega e le gata I luga ole ea ae faapea foi I vaa.Fai mai leoleo o tulaga faaletonu ole tau na faigata ai suesuega ile po anapo peitai uafaaauau I letaeao nei ma ua fesoasoani foi iai ma vaalele mai le vaega o le puipuiga a le atunuu leNZ Defence force atoa ai ma le vaa ale Navy a Niu Sila le HMNZ’s Taupo.
E le o mailoa poo le a tonu le faaletonu na afua ai ona afaina soifua o I latou ia.
