Ua sauni folau le ‘au masii a Samoa i taaloga a Malo o le Taupulega o le a faia i le aai o Glasgow i Peretania i le masina nei o Iulai, ma o se au filifilia o le a tausinio i taaloga afeleti, taaloga o le aau, faipelega, taaloga o le Judo, ma le siisii uamea mamafa.
Ua momoli ai moomooga lelei ma faamanuiaga a le Komesina Maualuga o le malo o Peretania i Samoa le susuga Andrew Nethercott i ta’ita’i ma le ‘au masii a Samoa i le avea o i latou ma amepasa o le tatou atunuu i ia taaloga faavaomalo o le a tausinio ai ‘au mai atunuu e 74 ma le silia i le 3 afe tagata taaalo o le a auai.
Ua ave ai le faafetai a le Peresitene o le SASNOC le faalapotopotoga o taaloga a Samoa i le sui o le malo o Peetania ona o le fesoasoani ma le lagolago ua tuuina atu i tapenaga uma mo le malaga atu o le ‘au taaalo a Samoa.
]O le aso 23 o le masina nei le Aso Tofi lea o le vaiaso fou e tatala ai ia taaloga a malo o le taupulega. Sa faia se faaafe a le ofisa o lea malo mo le tatou ‘au masii a o lei tuua lo tatou atunuu.
