E toaono talavou e aofia ai ma se tamaititi faatoa 13 tausaga le matua, ua molia nei I le fasioti tagata ile faalavelave na uma ai foi le ola o seisi talavou I Melepone. Lipotia ele 9News ole maliu o DeclanCutler e 16 tausaga mai Reservoir I Melepone ua faamatalaina e leoleo ose tasi lea o osofaiga aupito ogaoga ua vaai iai.

Ole vaiaso nei ua faailoa ai e leoleo ua faiamoliaga I talavou nei e toaono mae amata mai I le 13 tausaga sei oo atu I le 17 tausaga le matutua. O loo faaauau pea le suesuega a leoleo ile faalavelave lenei na maliu ai Declan ile aso 13 o le masina nei.

Fai mai leoleo o se tulaga faanoanoa pe a matauina tausaga o talavou o loo aofia I lenei faalavelave. O Declan o loo lipotia sa osofaia ma faaoolima iai tagata ile vaveao o le aso Sa lea 13 o Mati I Coburg I Melepone lava.