Ua tetee i ona moliaga o le fasiotia o Lauie Tagaloa, le alii o Seyram Kwami Djentuh ina ua tulai i le faamasinoga i Brisbane i le vaiaso nei.
Ua lipotia e le 9News o le faalavelave na tupu i le aso 11 o Iulai 2022 i le nofoaga o le train i Fortitude Valley.
Na maliu ai Tagaloa mai se manu’aga i lona ua lipotia le alii ua molia ma saunoa foi iai le loia o loo tulai mo le mataupu lea i lana folasaga.
Fai mai o ata mai le CCTV ma telefoni o le a faaaogā i le faamasinoga lea e lē gata i luma mai o le taimi a o lei tupu le faalavelave ae faapea foi ina ua mae’a ma valaau le fesoasoani faavavave.
O loo ta’ua i le lipoti ua fuafua e faaauau le faamasinoga mo le isi 7 aso.
Puna o Faamatalaga: https://www.9news.com.au/national/brisbane-stabbing-man-denies-murder-in-train-station-scissor-stabbing/94469f44-b69c-4279-86b2-a2dee4620d4f
