O le Aso Lulu i le afiafi na taula ai le vaa o le RV Thomas G Thompson mai Amerika i le uafu i Apia mo le faamoemoe e faatino ai nisi o suesuega faasaienisi i le atunuu.
I pepa o faamatalaga mai le Ofisa o Amerika i Samoa nei, o le poloketi o le a feagai nei ma saienisi o se faanoemoe a le U.S. National Science ma o lenei vaa suesue o le a faatino lea i le taele o ogasami e faaaogāina ai ni mea faigaluega seia mae’a le 18 masina.
O lenei vaa o loo faafoeina lea e le Iunivesite o Uosigitone i le vaega o aoaoga i ogasami i Seattle.
E 23 le auvaa ma e 36 le ausuesue faasainenisi e mai i Iunivesite eseese e mafai ona iai i totonu o le vaa e fesoasoani i le faatinoga o a latou suesuega i vaega o ogasami.
