O loo iai le popolega o leoleo mo ni tamaiti talavou se toalua na tau sailia i le taimi o le latou asiasiga agai i le city i Sini, o se vaega o le latou malaga tafafao mai a le latou aoga.
Ua talosaga nei leoleo i tagata lautele pe iai se tasi e silafia se faamatalaga i le toalua lea, o Mabindra ma Saurab Pun tai 14 tausaga le matutua, na amata sailia mai i le amataga o le vaiaso.
Fai mai na mulimuli vaaia Mabindra ua agai ese mai se fale i Haymarket poo le 12 i le aoauli o le Aso Sa.
O tamaiti Initia ma sa laeiina e Mabindra se ofutino navy ma ofuvae uliuli.
O Saurub na mulimuli vaaia i le malaevaalele faavaomalo i Sini poo le ‘afa o le 6 i le afiafi ananafi.
O loo talosagaina ai le fesoasoani a le atunuu i lenei mataupu.
