E lima aso lea ua tapunia lē tumau ai le SkyCity casino e mafua i le leai o sana fesoasoani i le tagata taalo i taaloga faitupe lea ua gau le silia ma le miliona i taaloga nei.
O le po o le Aso Sa lea na amata tapunia mai ai ma e faaauau atu ai i le po o le Aso Faraile.
Ua lipotia o lea tagata taalo na faaalu le oo atu i le 9 itula o taalo e leai se mālōlō.
O le faasala o le casino ua faia lea ona ua lē faatinoina lona tiute e taumafai ai e puipuia tagata taaalo.
Ae i se tali mai a le Pule Sili o le SkyCity, Jason Wallbridge, o lea ua mae’a faatoese i le tagata ua aafia peitai e lē mafai ona faamautinoa mai pe iai se vaega o le tupe ua gau a le tagata taalo ua toe faafoi atu iai pe leai.
O le faai’uga ua tapunia ai i le vaiaso nei ma toe tatala ae e lei oo i le faai’uga o le vaiaso poo le taimi pisi o le casino, o se faai’uga ua malilie faatasi iai le pulega ma le matagaluega o le Internal Affairs.
Puna o Faamatalaga: SkyCity casino shut down after vulnerable player loses $1m: ‘We made mistakes’ | RNZ News
