Ua taofia le tumau nei femalagaiga uma a vaalele I le va o Niu Sila ma sisifo o Ausetalia ona o cases faamaonia I le komiuniti I lea vaega o Ausetalia
O lea ua taumafai le soifua maloloina e fesootai atu I le tusa ma le tasi afe o I latou na felelei mai Perth I aso 19, 21 ma le 23 o masina nei, tusa lea o le uluai aso lea na tatala ai le saolotoga I le vaiaso talu ai, o le Aso Lulu ma le Aso Faraile
O lea ua tapu Perth mo aso e tolu I le maea maua o cases faamaonia I le komiuniti
Na vave ona toe suia ai ma faigamalaga a vaalele I le faaiuga o le vaiaso, ma o loo faamoemoe e toe maua se isi tala a taeao
E oo mai I le taimi e tuufaatasia ai tala fou o le taeao, e le I toe maua nisi cases I le komiuniti I Perth, ma o loo faaauau pea feoaiga saoloto a Niu Sila ma isi vaega o Ausetalia
Ese mai I femalagaiga a vaalele, e toalua I laua taunuu I Niu Sila na iai sootaga ma le ua faamaonia I le Koviti I Perth, ma o le aso ananafi lea na faia o laua siaki faamoemoe e maua mai I se aso o le vaiaso nei faaiuga
O loo iai le talitonuga o le matagaluega o loo maualalo le tulaga lamatia o le komiuniti ona o le toe aliae o le vairusi I Perth, Ausetalia
E oo mai foi I le taeao nei e le I iai lava se isi case I le komiuniti fesootai ma le kiligi I le malaevaalele lea na faamaonia I le Aso Lua o le vaiaso talu ai
