O le faia o le su’ega e sa’ili ai le tomai ma le silafia o se tagata e fia avea ma Faamasino o le Faamasinoga o Fanua ma Suafa, e lē o mafua ona o se taumafaiga e faafaigatā ai le sa’iliga, ae o se laasaga e faatāua ai i le tagata o le a filifilia lona valaauina ona o mataupu tāua i fanua faaleaganuu ma suafa matai o measina a Samoa o le a latou tagofia ma su’esu’eina.
Ua faailoa lea tulaga e le Lesitala sinia ma le faauluuluga o le matagaluega o faamasinoga ma mataupu tau faamasinoga, a o faagasolo ai le togiina o pepa su’ega o i latou na talosaga i avanoa faamasino o lea faamasinoga lea e ono tofiga ua avanoa i le taimi nei.
Na faaalia e le faauluuluga poo le Ofisa Sili o le matagaluega le Susuga Papalii John Taimalelagi Afele, o le faatāuaina tele o le tofiga Faamasino o le Faamasinoga o Fanua ma Suafa i lenei vaitau, ua lē gata ua faia su’ega mo i latou e ausia agavaa moomia, ae ua sii maualuga foi faamanuiaga tau totogi.
Audio cut : Papalii John Taimalelagi Afele
Le susuga Papalii John Taimalelagi Afele o le Lesitala sinia o faamasinoga ma le Ofisa Sili o pulega o le matagaluega o Faamasinoga ma le Faafoeina o Mataupu tau Faamasinoga.
