Na vaaia e nisi sa iai i le mall i Newmarket i Aukilani ananafi le se’i ane i fafo e se tasi o alii o se agaese a o vevesi talavou. 

A o pisi tagata faatau i le mall i le aoauli ananafi, na lipotia mai le fefefe o nisi na iai i lea taimi a o tulai mai ai vesiga i le va o tupulaga pe ā ma le toafitu ma e faapea o lea na tamomo’e agai i le food court. 

O le vaaia ai o se tasi o alii ma le agaese o loo ia uuina na avea ma popolega i tagata ma ua lagona foi le lē mautonu, ma o lea na mulimuli faamaonia mai e leoleo ua o latou mauaina lea agaese ma ua mae’a talanoa foi i talavou.

O loo faaauau pea suesuega a leoleo i lenei mataupu. 

O le mall lenei i Newmarket o loo iai le 258 faleoloa e lona lua i le faatulagana o malls tetele i totonu o Niu Sila.

Puna o Faamatalaga: http://’Scary’: Knife pulled out during ‘disorder’ at busy Auckland mall (1news.co.nz)