Ua taufaamata’u e le minisita lagolago o le malosiaga tau eletise, Shane Jones le Electricity Authority o le a tapuni pe afai e lē faaaogā le pule ua tuuina atu iai.
O saunoaga tuusa’o nei a Jones i le mae’a feiloa’i ai ma le pulega i le taeao o le Aso Lulu a o faaauau ai pea ona sau tala o le tapunipuni o fale laupapa e mafua i le taugata tele o le tau o le eletise o loo totogi e kamupani nei.
O lālā a le Winstone Pulp International i Tangiwai ma le Karioi Pulpmill lea ua vaavaai e tapuni, ma o lona uiga o le a leai ai ni galuega a le tusa ma le 230 tagata.
Mai le minisita lagolago e leai se uiga o le iai o le Electricity Authority ae o lea e lē o faaaogā le pule ua tuuina atu ia te ia faatulafono.
Tuu mai foi i kamupani eletise, ua matua’i lē fetaui i le silasila a Jones le taugata o le eletise ua iai.
E tuufaatasia tala fou e lei iai se tali faalauaitele a le Electricity Authority e tusa ma saunoaga a le minisita.
Puna o Faamatalaga: Shane Jones threatens to end Electricity Authority if it doesn’t ‘man up’ | RNZ News
