Ua saunoa Penny Wong le minisita o le va i fafo a Ausetalia ua nofo sauni e galulue faatasi ma le peresetene o Amerika, Donald Trump i le mae’a o lona auai atu i le faatautoga o le alii Peresetene.
Faailoa le lagolago o Wong faatasi ma isi ta’ita’i o le lalolagi na auai ai i le sauniga ma faamamafa ai o Amerika le pa’aga vavalalata a Ausetalia.
I sana faamatalaga i luga o le polokalame a Amerika le Today na faailoa ai e Wong lona naunauta’iga e feiloa’i ma le pulega fou o le malo tele.
Na faailoa foi e le tamaitai minisita ua nofo sauni foi e feiloa’i atu i le Failautusi o le Setete, Marco Rubio i le aso a taeao aemaise le faufautua o mataupu tau le puipuiga Mike Walz.
Na momoli foi le faamalo a le Palemia o Ausetalia, Anthony Albanese ia Trump e tauala atu i sana post i luga o upega tafa’ilagi ma lana faamatalaga ua nofo sauni i avanoa ma lu’itau i le lumana’i e galulue faatasi ai ma Amerika.
Puna o Faamatalaga: https://www.9news.com.au/world/donald-trump-second-inauguration-foreign-minister-looking-forward-to-working-with-trump-administration/4aa8cc9d-4d2e-4c4d-b842-6cbe663c3a26
