Ua oo foi i le taimi o le tausaga e sui ai le taimi, o le faaiuga foi o le daylight saving mo le tele o vaega o Ausetalia auā o loo faaauau pea feutanaiga i nisi faaitu o le atunuu i le mataupu lea pe tele atu ni ona tulaga lelei poo tulaga le lelei i le soifuaga o tagata.
O le Aso Sa nei, aso 2 o Aperila i le ta o le tolu i le vaveao o le a toe foi ai i tua i le itula e tasi le uati mo Niu Sa Uelese, Vitoria, ACT, Tasmania ma Ausetalia i Saute ma faatoa toe suia le taimi mo setete ia ma teritori pe a oo i le Aso Sa muamua o le masina o Oketopa.
O isi setete ma teritori e le o aofia i le daylight saving i le taimi nei e aofia ai Kuiniselani, Western Australia ma le Northern Territory.
