Ua taunuu nei i Berlin i Siamani le Palemia o Ausetalia o Anthony Albanese mo le faia o ni faatalanoaga e uiga i se tasi o maliega tele ua faia i le itu tau le puipuiga e aofia ai ma Ausetalia.
Fai mai e silia ma le 100 taavale tau o Boxer heavy weapon carrier e fausia atu i Brisbane mo Siamani e amata atu i le tausaga 2025 i lalo o se maliega e $1 le piliona.
O taavale ia tau militeli o le a fausia i Redbank i Brisbane ma o le a maua ai le lata i le afe o avanoa faigaluega ma ua faailoa e Albanese o se tasi lenei o oloa e auina atu i fafo aupito tele ma o le a faamautinoa avanoa faigaluega ia e afe i Kuiniselani ma sia vaegatupe tele o le a maua ai e fesoasoani tele i le tamaoaiga o le setete.
O taeao lea ua fuafua e sainia aloaia ai lea maliega.
