E 30 a’oga ma nuu i Samoa o le a latou maua molī e ola i le la poo solar lights, ma masini e gaosi ai le kesi mai malosiaga faafouina poo biogas, i le agalelei o le malo o Niu Sila ma le malo o Isaraelu.
O le malo o Niu Sila e 15 miliona tālā lana fesoasoani ia Samoa e autū i le faaaogaina o malosi faafouina e pei ona iai molī e ola ile malosi o le la, ma o le faafetai lea a le Minisita o le Matagaluega o Punaoa Faalenatura ma Siosiomaga i le faaauau pea o le fesoasoani mai o lea malo, aemaise foi o le malo o Isaraelu.
Le afioga i le Minisita o le Matagaluega o Punaoa Faalenatura ma Siosiomaga ua faaauala iai le foai o molī e ola i le la ma masini e gaosi ai le kesi mai malosiaga faafouina.
O le Aso Gafua na tauaao atu ai i sui o nuu ma a’oga e 30 lea foa’i.
