Ua faailoa e Isaraelu o lea ua faalautele atu osofa’iga a lana militeli i Lepanona.
O le minisita o le puipuiga a Isaraelu o Israel Katz na ia faamaonia ane ia faamatalaga i le CNN ae le’i iai nisi faamatalaga faaopoopo i mea e aofia ai i lea faalautelega.
Na faailoa e le minisita ua faalautele atu ana vaega’au i le itu i Saute o Lepanona faasaga i le Hezbollah aemaise i le itumalo o Dahiyeh i Beirut.
Ua toe faamanino ane ai foi e le minisita fou lea a Isaraelu o le a lē ioeina pe malie atu Isaraelu i nisi maliega e taofia ai a latou osofa’iga aemaise lava i se faalapotopotoga poo ni tagata faatupu faaavelave.
I se faamatalaga mai le Hezbollah ua o latou ta’ua ai sa faia a latou osofa’iga i le Aso Lulu faasaga i vaega’au a Isaraelu i Lepanona.
Puna o Faamatalaga: https://edition.cnn.com/2024/11/13/middleeast/israel-expands-ground-operation-lebanon-intl-latam/index.html
