Ua faamatala e le Tupu o Salesa faamatalaga e faatatau i lona gasegase o le kanesa, i nisi o valaaulia na auai atu i se sauniga sa faia i Buckingham Palace e lagolago ai fesoasoani mo le gasegase o le kanesa.

Fai mai Salesa e ui i popolega i aafiaga o le kanesa peitai e mafai ona iloa atu ai ma se tasi o itu aupito i lelei o se tagata.

Na ia faailoa o le maua ai i le kanesa ua ia mauaina ai se lagona loloto o le faatāua ma le amana’ia o le galuega o loo faia e faalapotopotoga o loo feagai ma le matafaioi lea o le fesoasoani i tagata e gasegase i le kanesa.

O le tausaga na te’a nei na faailoa ai le aafia o le Tupu i se ituaiga o kanesa ma afua ai ona faasee i tua mai isi ona tiute faalaua’itele a o feagai ma togafitiga.

Na faamatala foi e Tupu Salesa le maua o le mafanafana ma lagona alofa i le tele o fe’au faamalosi’au ma faalototele sa ia maua atu mai tagata.

O le tausaga foi na te’a nei na faailoa faalaua’itele ai foi le aafia o le Purinisese o Uelese, Princess of Wales, o Catherine i le gasegase lava o le kanesa.

Puna o Faamatalaga: https://edition.cnn.com/2025/04/30/uk/king-charles-cancer-message-intl-latam/index.html