E latalata I le 600 I latou na faia feusuaiga mataga I fanau o le a toe tuu igoa I le lesitala o loo maua ai faamaumauga o I latou e faia nei soligatulafono I totonu o le atunuu
O le po anapo na pasia ai lea suiga I totonu o le palemene, ma o lea toe faamauina uma ai igoa o I latou nei
O se suiga toe teuteu o le tulafono o loo puipuia ai fanau 2016 na toe lalaga e le faamasinoga maualuga ona e le o manino pe a oo mai I tagata na faia nei amio mataga ae e le I tuufaatasia ma alaoaia le tulafono, ao lea na faamaonia moliaga ma faasala, ma ua fai lea ma avanoa e sao mai ai le faitau selau o I latou mai le faamauina o suafa I le lesitala
Saunoa ai le minisita o leoleo, Poto Williams, e tatau ona mautinoa ua toe faapipii uma igoa o le isi vaega e le o iai I le taimi nei I le lesitala e tusa ma le suiga ua pasia, ma o Iea lesitala o le a toe faafoi ai faamaumauga I tausaga ua mavae tusa lava poo le a tausaga na faia ai le soligatulafono
O se suiga foi e talitonu le minisita o le a faafaigofie ai galuega a le ofisa o leoleo
O le toe teuteu o le tulafono na lagolago uma e vaega faaupufai ona laasaga, seia vagana ai le vaega a le Greens
