A itiiti mai pe toa 10 tagata ua fasiotia e le vaega ua faaigoa o Separatist militants e iloa foi i le igoa Baloch Liberation Army poo le BLA ina ua o latou osofa’ia se train na ave ane ai le faitau selau o pasese i le itu i saute i sisifo o le itumalo o Balochistan ma faamaonia mai e sui o le malo. O le toa 9 ua maliliu o le vaega o le sekulati faatasi ai ma le ave train.

E le o iloa i le taimi nei le taimi na maliliu ai ae o loo agiga i lipoti sa faia se taugafana i luga o le train ma ta’ua ai ua faaaoga tamaiti ma tamaitai e fai ma talitā i lea vevesi.

O le taunuu o le train i se tunnel na taofia ai e le vaega lea a le militants ma faia ai loa le latou osofaiga ma o latou ave faapagota ai isi.

Ua faailoa e le Palemia o Pakistan o Shehbaz Sherif lona teena malosi o le osofaiga na faia e le vaega lea mae mautinoa e leai se sootaga o ia tagata ma le talitonuga Isalama i Pakistan aemaise e iloa i le taimi e fai ai latou osofaiga aua sa tatau ona o latou faataua le Ramadan o loo faamanatu i le taimi nei.

E le o le taimi muamua lea ua faia ai ni osofaiga a le vaega lea o le BLA i Pakistan ma o loo faatalia seisi lipoti lata mai.

Puna o Faamatalaga: https://edition.cnn.com/2025/03/11/asia/pakistan-passenger-train-attack-intl/index.html