E ono toe solo tetee foi le aufaigaluega a le tineimu i malaevaalele i le faaiuga o le vaiaso umi mo le Eseta ma e lē taumate o le a matuai aafia ai faigamalaga i le atunuu.
O le United Firefighters Union of Australia o le a o latou faailoa i se taimi o le aoauli o le asō le iuga o le latou palota na faia pe malilie sui e toe faaauau se isi solo tetee i le Easter.
Fai mai le Iuni mo tagata faigaluega afai ae ioeina e fuimu le faia o le solo tetee, e ono toe amata loa tetee e ala i le savavali ese ma galuega i le Aso Tofi 28 o Mati a o lumnai ai le Aso Faraile lelei poo le Good Friday.
O loo tuuaia e le Iuni le Air Services Australia i le mumusu e fai se faiga i le toalaiti o le aufaigaluega atoa ma tulaga lē lava o le malolo.
